Առաջնորդի հուզական ինտելեկտի կարևորությունը

Ըստ ամերիկացի հոգեբան Դանիել Գոլմանի (ով շեշտը դրել է այս տեսակի ինտելեկտի վրա) հուզական ինտելեկտը բաղկացած է հինգ գործոններից։ Դրանք են՝

• Ինքնագիտակցություն – այն իր մեջ ներառում է «ես»-ի տարբեր ասպեկտների գիտակցումը՝ ներառյալ անձնային հատկությունները, վարքագիծն ու զգացմունքները:
• Ինքնակարգավորում – ինքնակարգավորումը իրավիճակի պահանջներին համապատասխան զգացմունքներն ու վարքագիծը կառավարելու ունակությունն է:
• Մոտիվացիա – այն ընդգրկում է նպատակներին հասնելու համար մարդկանց գործողությունների խթանման գործընթացը։
• Կարեկցանք – կարեկցանքն ուրիշի զգացմունքները հասկանալու և կիսելու ունակությունն
• Սոցիալական հմտություններ – սրանք այն հմտություններն են, որոնք մենք օգտագործում ենք ամեն օր ուրիշների հետ շփվելու նպատակով:

Հուզական ինտելեկտի այս հինգ հիմնական գործոնները վճռորոշ նշանակություն ունեն առաջնորդության համար: Երբ խոսքը ընկերության հաջողության մասին է, հուզական ինտելեկտը և առաջնորդությունը քայլում են ձեռք ձեռքի տված: Եվ եթե ցանկանում եք լավ առաջնորդ լինել, ապա պետք է զարգացնեք հուզական ինտելեկտի նշված ասպեկտները։

ԻՆՉՈՒ՞ Է ՀՈՒԶԱԿԱՆ ԻՆՏԵԼԵԿՏԸ ԿԱՐԵՎՈՐ ԱՌԱՋՆՈՐԴՈՒԹՅԱՆ ՀԱՄԱՐ
Ավելի բարձր հուզական ինտելեկտ ունեցող առաջնորդները նրանք են, ովքեր կարող են ստեղծել և՛ լավ թիմեր, և՛ լավ աշխատանքային միջավայր: Շատ ընկերություններում Դուք կարող եք գտնել աշխատողների, որոնք պատկանում են տարբեր դասակարգերի և ունեն հաղորդակցման տարբեր ոճեր: Այս տեսակի իրավիճակներում առաջնորդը պետք է իմանա, թե ինչպես յուրաքանչյուր անհատի հանդեպ ցուցաբերի հասկանալի և կարեկցող մոտեցում:

Առաջնորդության մեջ հուզական ինտելեկտի կարևորությունը բացահայտվում է տարբեր իրավիճակներում: Սովորաբար, երբ թիմի անդամներից մեկը դժվարանում է առաջադրանքը կատարելիս կամ չի կարողանում հաղորդակցվել անդամերի հետ, ապա ամբողջ թիմն է կորցնում իր ուժը: Այս իրավիճակից խուսափելու և հարցը (որը կարող է վերաբերվել աշխատողի մոտ մոտիվացիայի բացակայությունը կամ նրան անհանգստացնող ինչ-որ անձնական խնդրի) լուծելու համար առաջնորդը պետք է ցուցաբերի լավ վերաբերմունք և բարի կամք։ Լավ առաջնորդը պետք է բացահայտի խնդրի աղբյուրը և անհրաժեշտության դեպքում առաջարկի անհրաժեշտ աջակցությունը:

Այսպիսով, առաջնորդության մեջ կարևոր է հուզական ինտելեկտը, քանի որ աշխատավայրում այն շատ խնդիրներ կարող է լուծել: Բարձր հուզական ինտելեկտ ունեցող առաջնորդները կարող են ստեղծել մոտիվացված թիմեր և հասնել կատարյալ արդյունքների: Միևնույն ժամանակ, առաջնորդներն հասանելի կլինեն աշխատակիցներին, և հեշտ կլինի շփումը նրանց հետ, եթե նրանք յուրաքանչյուրի հանդեպ ցուցաբերեն բարեկիրթ վարքագիծ և բարձր սոցիալական հմտություններ:

Յուրաքանչյուր կազմակերպությունում հուզական ինտելեկտը և առաջնորդությունը սերտորեն կապված են և հաճախ խաչվում են: Ահա թե ինչու առաջնորդները, ովքեր ցանկանում են ավելի լավ թիմեր ունենալ, նախ և առաջ պետք է աշխատեն իրենց հուզական ինտելեկտի վրա: