Քաղաքական ակումբի գործունեությունը
Այս տարի ծրագրի երկրորդ փուլի շրջանակում, ակումբներ են բացվել նաև Գեղարքունիքի, Լոռիի, Արմավիրի և Շիրակի մարզերում։ Գեղարքունիքի մարզում, որպես գործընկեր կառույց ընտրվել է Բայազետ կենտրոն ՀԿ-ն։
Այս ընդլայնումը կարևոր քայլ է սահմանամերձ համայնքներում հանրային բանավեճի և քաղաքացիական մասնակցության խթանման գործում՝ ստեղծելով նոր հնարավորություններ՝
տարբեր տեսակետներ ներկայացնելու և համայնքների ձայնը լսելի դարձնելու համար։
«Ակադեմիական քաղաքի հայեցակարգ․ քաղաքի զարգացման հեռանկարները»
Ակումբի առաջին թեման նվիրված էր Ակադեմիական քաղաքի հայեցակարգին և քաղաքի զարգացման հեռանկարներին։
Քննարկման բանախոսներն էին՝ կրթության փորձագետ Սերոբ Խաչատրյանը և ՀԱՀ տնտեսագիտական ֆակուլտետի դեկան Վաչե Գաբրիելյանը։ Քննարկման մոդերատորն էր Ալեքսանդր Իսկանդարյանը։ Կայացած քննարկմանը մասնակցում էին Գավառի պետական համալսարանի ռեկտորական և դասախոսական կազմը, համալսարանների ուսանողներ,միջին մասնագիտական ուսումնական հաստատությունների սովորողներ, տեղական ՀԿ-ների ներկայացուցիչներ և հետաքրքրվող այլ անձինք: Քննարկման կենտրոնում ԳՊՀ-ն էր․ մասնակիցները փորձագետներին ներկայացրին իրենց մտահոգությունները Ակադեմիական քաղաքի հայեցակարգի վերաբերյալ: Քննարկման վերջում հանգեցինք այն մտքին, որ մարզային համալսարանները կարևորագույն օղակ են, որոնք կապում են մարզի երիտասարդներին գիտական կյանքին և չեն կարող վերանալ կամ միանալ այլ բուհական համակարգերին։
Երկրորդ հանդիպում
«Խաղաղություն և Անվտանգություն. Մտքերից գործնական քայլեր»
Ակումբի երկրորդ քննարկումը նվիրված էր «Խաղաղություն և Անվտանգություն. Մտքերից գործնական քայլեր» թեմային, որի բանախոսներն էին քաղաքագետներ Ալեքսանդր Իսկանդարյանը և Սերգեյ Մինասյանը: Հանդիպման մոդերատորն էր Մարիամ Գասպարյանը։
Քննարկմանը մասնակցում էին Գավառի պետական համալսարանի պրոֆեսորադասախոսական կազմը, ուսանողներ, համայնքապետարանի աշխատակիցներ, ՀԿ-ների անդամներ, դպրոցականներ և այլ հետաքրքրված անձինք: Քննարկման առանցքային թեման կենտրոնացած էր Գեղարքունիքի մարզի սահմանամերձ համայնքների անվտանգության հեռանկարների վրա: Արդի իրավիճակների քննարկումը հնարավորություն տվեց անդրադառնալ տարածաշրջանային մարտահրավերներին և դրանց հաղթահարման հնարավորություններին՝ հատկապես շեշտելով միջազգային համագործակցության կարևորությունը անվտանգային ոլորտում:
«Հանրային քաղաքականությունների մշակում․ միջազգային փորձառություններ և տեղական հնարավորություններ»
Քննարկմանը մասնակցում էին տեղական ՀԿ-ների ներկայացուցիչներ, դպրոցների անձնակազմի անդամներ, ինչպես նաև քոլեջների և համալսարանի ուսանողներ, հետազոտող-վերլուծաբաններ և պատմագետներ:
Քննարկման արդյունքում կարևորվեց լոբբիստական աշխատանքի դերը հանրային քաղաքականությունների մշակման մեջ, միջազգային կազմակերպությունների հետ համագործակցության անհրաժեշտությունը և սոցիալ-տնտեսական հետևանքների հարցը:
Չորրորդ հանդիպում
«Երիտասարդական քաղաքականության ուղենիշներ․ ձեռքբերումներ և հեռանկարներ»
Քաղաքական ակումբի չորրորդ հանդիպումը դարձավ բովանդակալից և ինֆորմատիվ քննարկման միջավայր։ Քաղաքական ակումբը հանդիսանում է անաչառ հարթակ Գեղարքունիքի մարզի բնակիչներին հուզող հարցերի բարձրաձայնման համար:
Անդրադարնալով «Երիտասարդական քաղաքականության ուղենիշներ․ ձեռքբերումներ և հեռանկարներ» թեմային՝ քննարկվեցին այն հարցերը, որոնք այսօր հուզում են երիտասարդությանը և այն ուղղությունները, որոնք կարելի է զարգացնել: Քննարկման բանախոսն էր «Գավառի երիտասարդների տուն» բաց երիտասարդական կենտրոնի համակարգող Անի Պետոյանը, իսկ քննարկումը վարեց «Բայազետ» կենտրոն ՀԿ-ի Գլխավոր քարտուղարի օգնական Անի Թադևոսյանը։ Քննարկման ընթացքում մանրամասն ներկայացվեց ոլորտի հաջողությունները և առկա հեռանկարները՝ առաջարկելով զարգացման հնարավոր ուղիներ: Հանդիպումը համախմբեց երիտասարդներին ու մասնագետներին՝ կիսվելու իրենց մտքերով և գաղափարներով, ինչը հանգեցրեց հետաքրքիր ու կառուցողական քննարկման:
«Մարդու իրավունքների պաշտպանության համակարգը ՀՀ-ում»
Քննարկման բանախոսներն էին ՀՀ ՄԻՊ աշխատակազմի Գեղարքունիքի մարզային ստորաբաժանման ղեկավար Անի Հովեյանը և «Բայազետ» կենտրոն ՀԿ-ի գլխավոր քարտուղար Վահրամ Հովեյանը։ Հանդիպման մոդերատորն էր Մոնիկա Ստեփանյանը։
Քննարկումը միջոց հանդիսացավ երիտասարդներին կրկին անգամ իրազեկելու իրենց իրավունքների պաշտպանության կարևորության մասին։
Մեր մասնակիցները ոչ միայն լսեցին փորձագետների կարծիքներ, այլև ակտիվորեն ներգրավվեցին քննարկումներին՝ կիսվելով իրենց մտքերով ու տեսակետներով։
«Ապատեղեկատվությունը մեդիա դաշտում»
Այս անգամ քննարկելու ենք ապատեղեկատվությունը՝ 21-րդ դարի այն գործիքը, որը ձևավորում է կարծիքներ, ստեղծում լարվածություն ու երբեմն նույնիսկ փոխում պատմության ընթացքը։
Հանդիպման խոսնակներն են՝
Արշալույս Մղդեսյանը CivilNet.am-ի լրագրող
Անի Թամրազյանը Factor.am-ի լրագրող
Քննարկումը կմոդերացնի «Բայազետ» կենտրոն ՀԿ-ի անդամ Մարինե Դվոյանը։
#Վեցերորդ հանդիպումը կկայանա՝
Դեկտեմբերի 8-ին
14:00-ին
«Բայազետ» Կենտրոն ՀԿ-ում