07 հոկտեմբեր, 2022

«Բայազետ» կենտրոնում գրադարանի թվայնացմանը զուգահեռ մշակվում է նոր հավելված

«Բայազետ» կենտրոնը Գեղարքունիքի մարզի այն եզակի հասարակական կազմակերպություններից է, որը զբաղվում է գրադարանագիտական աշխատանքով, քննում հասարակության մեջ գրադարանների տեղի ու դերի հարցերը, ուսումնասիրում գրադարանային գործի կազմակերպման նոր մոդելները։ Բացի այդ, «Բայազետ» կենտրոնի գրադարանը Գավառի տարածաշրջանի ոչ պետական, ամենախոշոր հանրային, թվային գրադարանն է, որը ստեղծում է անհրաժեշտ պայմանները գրքերի հավաքագրման, մշակման և այն ընթերցողներին բոլոր հնարավոր ուղիներով հասանելի դարձնելու համար։

2022 թվականի սեպտեմբերի դրությամբ գրադարանն ունի 6800 միավոր գրականություն և 87 ակտիվ ընթերցող։ Գրադարանի հիմնական օգտվողները ուսանողներն են, ինչպես նաև հա­սա­րա­կա­կան կազ­մա­կեր­ու­թյան ներկայացուցիչներ և պարզապես անձինք՝ ովքեր հետաքրքրված են գրականությամբ։ Գրաֆոնդը ձևավորվում է Գեղարքունիքի մարզի բնակիչների անձնական հավաքածուների նվիրատվությունների միջոցով։
«Բայազետ» կենտրոնում մշակում ենք գրադարանավարների աշխատանքը թվայնացնող և ընթերցողների կյանքը հեշտացնող բջջային հավելված։ Մոտ օրերս իրականացնելու ենք բետա փորձարկումը։ Նախատեսվում է, որ սկզբում այն հասանելի կլինի «Բայազետ»-ի գրադարանի ընթերցողների և գրադարանավարների համար՝ Android և iOS համակարգերով։ ՀՀ ԿԳՍՄ նախարարության դրական արձագանքի դեպքում հավելվածը օգտագործելու հնարավորություն կտրամադրվի նաև մյուս գրադարաններին։ Շատ կարևոր է, որ բջջային հավելվածը շահույթ չի հետապնդում և հիմնական շեշտը դրվում է որակի, կարևորության և պարզության վրա։
Վահրամ Հովեյան, Գլխավոր քարտուղար

Լավագույն գործընկերներից

Վարդգես Պետրոսյանի անվան Գեղարքունիքի մարզային գրադարանը առաջիններից էր, որը համագործակցեց նորաստեղծ «Բայազետ» կենտրոնի հետ։ Գրադարանի տնօրեն Մարիամ Համբարձումյանը «Բայազետ» կենտրոնին նվիրաբերել է 156 միավոր հայ գրականություն։
Գրքի տոն
Մարտի 5-ի «Բայազետ» կենտրոնում ամփոփվեց «Գրքի տոնի» առիթով կազմակերպված մրցույթի արդյունքները, որի ժամանակ կազմակերպության Գլխավոր քարտուղար Վահրամ Հովեյանը և Խորհրդի անդամ Տիգրան Չանդոյանը նվերներ հանձնեցին մրցությում հաղթող ճանաչված Տաթև Խաչատրյանին։