Հայաստանում՝ ինչպես տանը․ ESN Yerevan-ը շարունակում է աջակցել միջազգային ուսանողներին
ESN-ի հիմնական ուշադրությունը դրված է ընթացիկ փոխանակման ուսանողների վրա, ովքեր հաճախ բախվում են խնդիրների, իրենց նոր միջավայրերում: ESN-ն առաջարկում է օգնություն ակադեմիական, սոցիալական և գործնական ինտեգրման գործընթացում: Սա հիմնականում արվում է տեղական բաժիններում իրականացվող միջոցառումների միջոցով, որոնք ներառում են մշակութային և սոցիալական միջոցառումներ, ինչպիսիք են ճամփորդությունները երկրի տարբեր վայրեր, ֆիլմերի երեկոներ, լեզվական նախագծեր, սննդի միջազգային փառատոներ և ոչ պակաս կարևոր երեկույթներ:
ESN Երևանի մեկ ամյակին ընդառաջ անցկացվեց կոնֆերանս, որի ժամանակ ցուցադրվեց «Մենթոր - Ես որպես մենթոր» ուղեցույցը, որը նախատեսված է մենթորների համար, ովքեր աշխատում են միջազգային ուսանողների և կամավորների հետ, առաջին անգամ մենթոների ուղեցույց է մշակվել: Հայաստանում ESN-ը սկսել է գործունեություն ծավալել երեք տարի առաջ։
ESN ցանցի համահիմնադիր Նենսի Մկրտչյանը մանրամասնում է․«Ուղեցույցը առաջին անգամ կազմվել է հայերենով, այնուհետև նաև անգլերենով, որպեսզի մեր հայ կամավորներին օգնենք ավելի ճշգրիտ քայերով մենթորություն իրականացնել միջազգային կամավորների և ուսանողների համար»։ Նենսին կիսվում է իր փորձով, թե ինչպես պետք է մենթորներն աշխատեն օտարերկրյա ուսանողների և կամավորների հետ։ Ուղեցույցի մշակմանն աջակցել է Եվրոպական միությունը։
Մեզ հետ զրույցում ESN Communcation manager Արփինե Բաբայանը մանրամասնեց, թե ինչ հնարավորություն է ESN-ը ստեղծում ուսանողների և կամավորների համար․ «Քանի որ ցանցը հեղինակավոր է ու ճանաչված եվրոպական բազում գործատուների կողմից, մեզ մոտ կամավորելն ու բազմաբնույթ աշխատանքներում ներգրավվելն օգնում է հմտանալ մասնագիտությունում, ձեռք բերել փորձ և շուկա դուրս գալ արդեն մրցունակ»։
-Էրազմուս ուսանողական ցանցում գործում է մի համակարգ, որ կոչվում է բադինների համակարգ(buddy system): Բադդին այն անհատն է, որ ուսանողի մինչ ժամանումն էլ կապ է հաստատում նրա հետ ու փորձում է օգնել նույնիսկ ամենաչնչին կենցաղային հարցերով։ Բադդիներ կցվում են յուրաքանչյուր ուսանողին։ Բադդին դառնում է ուսանողի ու ESN-ի միջև կապող օղակը։ Նրանց շնորհիվ ենք տեղեկանում մեր սիրելի ուսանողների բարօրության մասին և էլ ինչ միջոցառումներ անհրաժեշտ է ձեռնարկել նրանց փորձառությունը կատարյալ դարձնելու համար։ Ի դեպ, յուրաքանչյուրը կարող է դառնալ բադդի, եթե գրեն մեզ մեր սոցիալական հարթակներում,-ավելացրեց Արփինե Բաբայանը։
ESN-ը նաև տրամադրում է համապատասխան տեղեկատվություն և խրախուսում է ապագա փոխանակման ուսանողներին ձեռք բերել միջազգային փորձ և ձեռք բերել համապատասխան պատկերացում տարբեր մշակույթների վերաբերյալ:
ESN Հայաստանի թիմը փորձում է ակտիվ լինել ինչպես ազգային, այնպես էլ միջազգային մակարդակում: Այս տարի թիմը արդեն հասցրել է մասնակցել հինգ կարևոր միջազգային հանդիպումների և միջոցառումների Խորվաթիայում, Բուլղարիայում, Հորդանանում, Ռումինիայում և Բելգիայում:
միասնություն բազմազանության մեջ, բազմազանություն միասնության մեջ։
Նրանք բոլորը ունեն տարբեր ծագում, բայց ունեն մեկ ընդհանուր նպատակ։