Խոստումների փոխարեն մեր փորձն ենք ներկայացնում.
Գուրգեն Մարտիրոսյան

— Համայնքների խոշորացումը իմ վերլուծությամբ նոր հնարավորություններ է ստեղծում հատկապես փոքր համայնքների համար: Ուսումնասիրելով Գավառի տարածաշրջանի համայնքների հնարավորությունները, գնահատելով դրանց ուժեղ եւ թույլ կողմերը, ինչպես նաեւ խոշորացված այլ համայնքների փորձերը, կարող եմ ասել, որ խոշորացման արդյունքում շահելու են բոլոր համայնքները: Բերեմ մեկ օրինակ. այսօր գյուղական գրեթե բոլոր համայնքներում չկան ճարտարապետներ, ինչը արդեն խոչընդոտ է այդ ոլորտի զարգացմանն եւ աշխատանքները համակարգված կազմակերպելուն: Խոշորացման պարագայում մենք ունենալու ենք մասնագետներ, ովքեր ներգրավվելու են վարչական բոլոր շրջաններում եւ իրենց մասնագիտական ողջ ներուժը ծառայեցնելու են, որպեսզի ՏԻ լիազորությունները ամբողջությամբ իրացվեն եւ լուծեն բնակիչներին հուզող խնդիրները:

— Քարոզարշավի մեկնարկին ընդառաջ մեր թիմը գույքագրել է Գավառ խոշորացված համայնքի բոլոր վարչական շրջաններում առկա խնդիրները, որպեսզի մենք պատկերացում ունենանք, թե ինչպիսին պետք է լինի մեր տեսլականը եւ ինչ քայլեր պետք է ձեռնարկենք առկա խնդիրները լուծելու համար: Կան խնդիրներ, որոնք ՏԻՄ պարտադիր լիազորությունների շրջանակներում են. մանկապատրեզների գործունեություն, փողոցների բարեկարգում, լուսավորություն, կանաչապատում, կրթական եւ մշակութային կյանքի ակտիվացում եւ այլն: Սրանք այն խնդիրներն են, որոնց մասին նույնիսկ չպետք է խոսենք, քանի որ դա մեր օրակարգում է եւ այդպես էլ շարունակելու է լինել: Հատկապես գյուղական համայնքներում, այս խնդիրներից բացի մարդիկ ունեն ոռոգման, ջրարբիացման, խմելու ջրի, դաշտամիջյան ճանապարհների խնդիրներ: Ըստ առաջնահերթության մենք լուծելու ենք տարիներ շարունակ կուտակված խնդիրները: Եթե վերադառնամ նախորդ հարցին, ասեմ, որ այս դեպքում փոքր բյուջե ունեցող համայնքները, մինչ այս հնարավորություն չէին ունենում դիմելու կառավարության կողմից իրականացվող սուբվենցիոն ծրագրերին, իսկ խոշորացման դեպքում այդ ծրագրերը, անշուշտ, մտնելու են նաեւ այդ համայնքներ:

— Ինչպես գիտեք նախընտրական շրջանում գործարկվել է «Գուրգեն Մարտիրոսյան» ֆեյսբուքյան էջը, որի օգնությամբ մեր օգտատերերը ծանոթանում են դաշինքի նախընտրական բոլոր նյութերին: Այդ էջի օգնությամբ առաջիկայում հնարավորություն են ունենալու ծանոթանալու «Գուրգեն Մարտիրոսյան» դաշինքի նախընտրական ծրագրի դրույթներին:

— Ինչպես գիտեք, ՏԻ համամասնական ընտրություններին այս անգամ մեծ ուշադրություն է դարձվել կանանց ներգրավվածությանը: Մենք այս հարցում դարձյալ կարող ենք ասել՝ ունենք մեծ առավելություն: Մեր թիմում ընդգրկվել են բավականին փորձ ունեցող ու ճանապարհ անցած կանայք, ովքեր լուրջ դերակատարություն են ունենալու հետագա գործունեության մեջ: Պաշտոնների վերադասավորումները տեղի են ունենալու ընտրություններից հետո: Միայն կարող եմ ասել, որ մենք կարեւորում ենք կանանց դերը, եւ նրանք իրենց համապատասխան դերն են ունենալու առաջիկա 5 տարիների զարգացման գործում:

— Մենք նախընտրական քարոզարշավը կազմակերպում ենք հիմնականում դրսում, նաեւ բնակիչներին բաժանում ենք դիմակներ, որպեսզի կարողանանք նվազեցնել համավարակի տարածումը: Բացի դա, մեր թիմի մեծ մասը պատվաստած է, եւ հետեւում ենք հակահամաճարակային կանոնների պահպանմանը:

— Մենք ընտրություններին մասնակցում ենք հաղթելու վճռականությամբ: Հանդիպումներն ու բնակիչների հետ շփումները ցույց են տալիս, որ մենք Գավառ խոշորացված համայնքի կառավարումը ստանձնելու ենք 50+ ձայների առավելությամբ:

— Իմ ամենաուժեղ եւ թույլ կողմերի մասին կարող են խոսել ինձ ճանաչողներն ու գործընկերները: Այդ հարցը կարելի է ուղղել իրենց։

— Պատրաստ եմ լսելու առաջարկներ, գաղափարներ, մտահոգություններ` միասնական ավելի լավ համայնք ունենալու համար։ Այդպես է եղել նախորդ տարիներին, այդպես էլ շարունակվելու է այսուհետ։ Յուրաքանչյուրս մեր համայնքից դուրս ներկայանում ենք որպես քյավառցի, եւ մեր այդ միասնական ինքնությունը պիտի դրսեւորվի այս ընտրություններում եւ դրանից հետո, որպես մեկ լիարժեք ու միասնական համայնք։ Իմ կոչն ու առաջարկն է ձեզ` գալիք ընտրություններում քվեարկեք «Գուրգեն Մարտիրոսյան» դաշինքի օգտին, քվեարկեք հանուն զարգացման, մաքրության, բարեկարգման, լուսավորության, համերաշխության և կարգուկանոնի։

Մենք՝ միասնական ենք. Ծաղկաշեն,

Մենք՝ միասնական ենք. Գեղարքունիք,

Մենք՝ միասնական ենք. Լանջաղբյուր,

Մենք՝ միասնական ենք. Սարուխան,

Մենք՝ միասնական ենք. Գանձակ,

Մենք՝ միասնական ենք. Կարմիրգյուղ

Մենք՝ միասնական ենք. Նորատուս,

Մենք՝ միասնական ենք. Ծովազարդ,

Մենք՝ միասնական ենք. Լճափ,

Մենք՝ միասնական ենք. Բերդկունք,

Մենք՝ միասնական ենք. Հայրավանք,

Մենք՝ միասնական ենք. Հացառատ

Մենք՝ միասնական ենք. Արծվաքար

Մենք՝ միասնական ենք. Գավառ: