ԿՐԹՎԻ՛Ր, ՈՐ ՓՈԽԵՍ

ԿՐԹՎԻ՛Ր,

ՈՐ ՓՈԽԵՍ

Մարզային հակակոռուպցիոն ինտելեկտուալ նախագիծ։

Ի՞նչ է կոռուպցիան

“

Կոռուպցիա տերմինը առաջացել է լատիներեն «corruptus» և «corrumpere» բառերից, որոնք նշանակում են փչացում, այլասերում, վարակում, ապականում, աղճատում, աղավաղում, կաշառում և այլն։

— «Անգլերեն-հայերեն բառարան, Հ.Ա. Ասմանգուլյան և Մ.Ի. Հովհաննիսյան»

Կոռուպցիան ի պաշտոնե տրված իշխանական լիազորությունների չարաշահումն է` անձնական օգուտ ստանալու նպատակով:

«Թրանսփարենսի Ինթերնեշնլ»

միջազգային հակակոռուպցիոն կազմակերպություն

Կոռուպցիա «ըստ կանոնների»

Այս դեպքում կաշառք է տրվում առավել բարեհաճ վերաբերմունքի արժանանալու նպատակով` մի բանի համար, որ կաշառք ստացողը պարտավոր է կատարել օրենքով սահմանված կարգով:

Կոռուպցիա «ընդդեմ կանոնների»

Այս դեպքում կաշառքը տրվում է այնպիսի ծառայության համար, որը կաշառք ստացողը իրավունք չունի տրամադրելու:

ԱՍՈՒՄ ԵՆՔ
«Ո՛Չ»

ԿՈՌՈՒՊՑԻԱՅԻՆ.

Զրո հանդուրժողականություն՝ կոռուպցիայի նկատմամբ

հակակոռուպցիոն մտածողություն

ԴԵՄ ԴԻՄԱՑ

Կոռուպցիան կրթական, առողջապահական և ՏԻ ոլորտում

Կոռուպցիան

ԴՊՐՈՑՈՒՄ

ԻՐԱՎԻՃԱԿՆԵՐ

Ավարտական քննություններից մի քանի օր առաջ աշակերտի ծնողը այցելում է դպրոց։ Տնօրենի հետ տեսակցության ժամանակ շնորհակալություն հայտնում նախորդ տարիներին իր որդուն «դիմանալու» համար և վերջինիս նվիրում ծաղիկներ, քաղցրավենիք և կոնյակ։ Ծնողը խնդրում է «զիջել» իր որդուն և բավարար գնահատական նշանակել, որպեսզի վերջինս կարողանա ավարտել դպրոցը։ Տնօրենը համաձայնվում է։

1
Աշակերտը դժվարանում է անգլերեն լեզվից և գիտակցում, որ բուհ ընդունվելու համար անհրաժեշտ է ավելի զարգացնել լեզվի հմտությունները։
Որոշում է դասերից հետո հաճախել կրկնուսույցի։ Դասընկերները խորհուրդ են տալիս իրենց դպրոցի անգլերենի ուսուցչին, քանի որ վերջինիս մոտ պարապողները դպրոցում բարձր գնահատականներ են ստանում։ Մի քանի ամիս անց՝ ընդունելության քննություններին, բոլոր այդ պարապողները ստանում են ոչ բավարար գնահատականներ։

2
Դպրոցը ստացել է միջազգային ծրագրի մասնակցության հրավեր և պետք է ընտրի 1 աշակերտի, ով կմեկնի արտասահման կրթական միջոցառման մասնակցելու։ Աշակերտների շրջանում տրվում է հայտարարություն և հետաքրքրվածները դիմում-հայտ են ներկայացնում։ Բոլոր ստացված հայտերից տնօրենը որոշում է ընտրել իր թոռնիկինը, քանի որ վերջինս դպրոցում բարձր առաջադիմություն ունի։

3
Երկու ընկեր հաճախ են բացակայում դասերից, բայց ուսուցիչը միայն մեկի բացականներն է դնում մատյանում, իսկ մյուսին՝ ամեն անգամ զգուշացնում, որ չբացակայի, քանի որ երևույթը կարող է նաև դուր չգալ աշակերտի հայրիկին, ով աշխատում է մարզպետարանի կրթության վարչությունում։

4

Կոռուպցիան

ԲԺՇԿԱԿԱՆ ԿԵՆՏՐՈՆՈՒՄ

ԻՐԱՎԻՃԱԿՆԵՐ

Հիվանդանոցում օրենքով սահմանված վճարները կատարելուց հետո, քաղաքացին «շնորհակալություն հայտնեց» նաև իր բուժող բժշկին, շատ չէ՝ 5000 դրամի չափով։ Բուժող բժիշկը վերցրեց կանխիկ դրամը և փաստեց, որ շնորհքով հաճախորդները ուրիշ են։

1
Այս պահին հիվանդանոցում բոլոր պալատները զբաղված են, բայց գլխավոր բժշկի բարեկամ համար ազատ տեղ կգտնվի։

2
Տեսակցությունները արգելված են, բայց ԲԿ-ի փոխտնօրենի բարեկամները կարող են մտնել։

3
Մեր բուժքույրերին գումար տալուց հետո, կտեսնեք արդյունքը։

4

ԿՈՌՈՒՊՑԻԱՆ

ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՈՒՄ

ԻՐԱՎԻՃԱԿՆԵՐ

Քաղաքացին դիմում է համայնքապետին ինքնակամ իրականացրած շինարարությունը օրինական ճանաչել և իր նկատմամբ չկիրառել և գանձել տուգանք։ Փոխարենը խոստանում է ընտրություններին իր աջակցությունը։ Համայնքապետը համաձայնվում է։

1
Ավագանու նիստերին հաճախ ֆինանսական աջակցություն է տրամադրվում համայնքապետի ազգականներին։

2
Համայնքապետարանի կողմից հայտարարված ծառայությունների մատուցման մրցույթում հաճախ հաղթում է գնումների բաժնի ղեկավարի եղբոր կազմակերպությունը։

3
Ավագանին կարող է տարածքի ձեռքբերման հարցը հասցնել քննարկման, եթե իմանա որ հետագա բիզնեսից չափաբաժին կունենա իրենց խմբակցության X անդամը։

4